இளம் நாயகியுடன் குத்தாட்டம் போட்ட சந்தானம்

அறை எண் 305ல் கடவுள் படத்துக்கு பின்பு சந்தானம் நாயகனாக மாறியிருக்கும் படம் 'கண்ணா லட்டு திங்க ஆசையா'.

இந்தப்படத்தை அறிமுக இயக்குனர் மணிகண்டன் இயக்குகிறார். இப்படத்தில் கொலிவுட்டில் 'பவர் ஸ்டார்' என்று கூறப்படும் சீனிவாசனுடன் இணைந்துள்ளார். இந்தப்படத்துக்காக சிம்பு, கார்த்தி போன்ற நாயகர்களை போல சந்தானத்தை குத்தாட்டம் ஆட விட்டிருக்கிறார்கள். பிடிச்சிருக்கு படத்தில் நடித்த விஷாகா சிங் இந்தப்படத்தில் நடித்துள்ளார். தமனின் இசையில் உருவான பாடலுக்கு கலக்கலாக விஷாகாவோடு சந்தானம் குத்தாட்டம் போட்டிருக்கிறார். சந்தானத்தின் நடனத்தை பார்த்து படக்குழுவே மிரண்டு போனது. கொலிவுட்டின் பிரபல படத்தயாரிப்பாளர் ராம நாராயணனோடு சந்தானம் இணைந்து படத்தை தயாரிக்கிறார். படம் முழுக்க கலகலப்பான, வேடிக்கையான சமாச்சாரங்களுக்கு பஞ்சமிருக்காது என்கிறது பட வட்டாரம்.